Құрметті оқырмандар, сіздердің назарларыңызға Сәкен Сейфуллиннің 115 жылдығына орай виртуалдық кітап көрмесін ұсынамыз. ХХ ғасырдағы қазақ жаңа әдебиетінің негізін салушылардың бірі Қазақстанның қоғамдық тарихында көрнекті орын алатын қайраткер Сәкен Сейфуллин аз ғана ғұмырында найзағайдай жарқырап өтті. Ұлттық әдебиетке жаңа мазмұн, жаңа түр, жаңа идея әкелген жазушы туындылары халқымыздың қымбат рухани қазыналарының қатарына жатады. Бұл көрмеде Сәкен Сейфуллиннің өмірі мен шығармашылығы жайлы кітаптармен, басылымдармен және де ақын туралы зерттеулермен де танысасыздар.